Magnað ímyndunarafl!

Þetta er opinberun Jóhannesar Georgs, sem réttu nafni heitir Johanes George Lee og er  koskur sjáandi sem hefur séð marga atburði fyrir, t.d. forsetakjör Obama, skógareldana í Ástralíu, og efnahagshrunið á Íslandi.

Hér á eftir er lausleg þýðing úr ensku á sýn hans á framtíð Íslands á næstu árum.

2009: Forsætisráðherra nýju ríkisstjórnarinnar, Jóhanna, er heiðarleg og dugleg, en því miður fær ríkisstjórn hennar fáu áorkað til góðs. Orsök þess er mikil  ringulreið og óeining í þinginu og stjórnkerfinu. Fátt gengur í haginn. Það tekst að koma Davíð úr Seðlabankanum og skipa einn Seðlabankastjóra, en það breytir litlu um efnahagsöngþveitið. Atvinnuleysi eykst, fólk missir eignir sínar. Þúsundir fólks flytja úr landi á þessu ári, mest til Noregs og Kanada, en einnig til fleiri landa.

Seinast í Apríl verða kosningar til þings. Nokkur ný framboð taka þátt í kosningum, en ekkert þeirra fær mann á þing, heldur taka þau fylgi frá Samfylkingu og Vinstri grænum. Framsóknarflokkurinn vinnur góðan kosningasigur og Sjálfstæðisflokkurinn fær frekar slaka útkomu. Þessir flokkar fá nauman meirihluta saman, og mynda ríkisstjórn að loknum kosningum, við lítinn fögnuð þjóðarinnar. Verðbólga minnkar á fyrri hluta ársins, en stígur í yfir 30% í árslok 2009.

2010: Skelfilegt ár. Ríkisstjórn sjálfstæðis/Framsóknar, umsnýr öllu sem fyrri
ríkisstjórnin gerði. Allar stöður eru pólitískt skipaðar samkvæmt helmingaskiptareglu flokkanna. Verðbólga nær 50% Eini atvinnuvegurinn sem blómgast sem aldrei fyrr er dópsala. Atvinnuleysi nálgast 20%. Glæpaalda gengur yfir höfuðborgarsvæðið. 20.000 manns flytja úr landi, aðallega af höfuðborgarsvæðinu. Samt er ástandið betra í sumum landshlutum, þar er þokkalegt atvinnustig, og minni glæpir og eiturlyf. Dæmi um slíka staði eru: Vestmannaeyjar, Hornafjörður, Dalabyggð. Snæfellsnes, Vopnafjörður. Fólk sækir á alla þessa staði úr eymdinni og glæpunum á Höfuðborgarsvæðinu. Hjónaskilnaðir slá öll met. (Gott mál að ég verð ekki búinn að gifta mig á þessum tíma þannig að við Jóhanna sleppum)

2011: Miklar óeirðir í landinu. Byggingar og jafnvel heilu hverfin brennd í þessum óeirðum. Lögreglan ræður ekki við neitt, þótt hún sé nú öll búin skotvopnum. Útgöngubann í Reykjavík. Atvinnuleysi og þjóðargjaldþrot blasir við. Ríkisstjórnin er óstarfhæf. Daglegir götubardagar á seinni hluta ársins. Fengin óeirðalögregla búin vopnum frá Danmörku til að stilla til friðar, en það hjálpar lítið. 20.000 manns flytja úr landi.

2012: Olíuleit norðaustan við Ísland. Miklar vonir bundnar við hana. Annars flest í ólesti. Vopnuð átök í Reykjavík. Jarðskjálfti gengur yfir Selfoss og Hveragerði og veldur miklum skemmdum. 25.000 flytja úr landi.

2013: Niðurstöður olíuleitar valda vonbrigðum. Ekki hagkvæmt að vinna olíu, amk. miðað við nútíma tækni. Ísland er endanlega lýst gjaldþrota. Evran kostar 2000 krónur. 150% verðbólga. 20.000 flytja úr landi.

2014: Ísland óskar eftir aðild að Evrópusambandinu EU. En þessari umsókn er hafnað í Brussel. Alþjóðagjaldeyrissjóðurinn tekur við stjórn landsins, ríkisstjórn og forseti eru rekin úr störfum, og þingið leyst upp. Í lok ársins, taka Bandaríki Norður Ameríku USA. Við stjórn Íslands í umboði Alþjóðabankans. Obama forseti USA, er á þessum tíma kominn á kjörtímabil nr. 2. Það gekk vel að komast út úr kreppunni í USA. Staða Íslands undir stjórn USA, verður svipuð og staða Puerto Rico. Sem sagt öll stjórn frá Whasington, en bæjar og sveitarstjórnum verður leyft að starfa, undir ströngu eftirliti.

 

Á þessum tíma er íbúafjöldi Reykjavíkur um 50.000, og alls landsins um 200.000 í stað 320.000, árið 2008. Þriðjungur þjóðarinnar er fluttur úr landi.

Þetta er tekið af vef útvarpssögu og verð ég að segja að ég held að handrits höfundar sápuóperunar Leiðarljóss né höfundar endalausa rugl þáttaraðarinnar LOST hefðu getað dottið þetta í hug. Spurning hvort ég endi í Kanada eða Noregi, á báðum stöðum er hægt að fara á skíði, yrði sjálfsagt auðveldara að fá vinnu við lögmannsstörf í Noregi þar sem flest okkar lög eru hvort eð er hérumbil copy/paste úr norsku lögunum. Já spennandi tímar framundan

2 ummæli

  1. Guðni
    20. febrúar 2009 kl. 15.30 | Slóð

    Þetta finnst mér skemmtilegast í spánni: “Ísland óskar eftir aðild að Evrópusambandinu EU. En þessari umsókn er hafnað í Brussel” Guði sé lof segi ég nú bara, ég var farinn að óttast að þessi kreppa myndi hafa þær hörmulegu afleiðingar að við myndum ganga í Evrópusambandið. Við Máni þurfum þá ekki að flytja til Noregs.

  2. 20. febrúar 2009 kl. 17.40 | Slóð

    Ég er sammála, margir ljósir punktar í annars mjög svo neikvæðri spá hans Jóhannessar Georgs.
    En verðið þið Rósa þá ekki í áhættuhópi á næsta ári varðandi skilnaðina ásamt Þresti og hans konu? Það borgar sig ekkert að vera að ana útí eitthvað rugl. ;)